LIFE IN A METRO....

Hello guys

I hope that you all are fine. Yaar exam time chal rha tha, thats why busy thi, so sorry for that. Collage se metro me 2-2 hours travel karne ke baad study me to itni mushkil se dimag lag pata tha. vaise bhi ab metro me travel karna easy thodi reh gaya hai, ek to itna rush reheta hai , upar se koi dusri metro ka wait karne ko ready nahi hota hai, doors ke bich me aa jayenge but metro nai chorenge. Kabhi- kabhi to aisa ho jata hai ki agar koi us metro me na jana chah raha ho to piche se dhakka dekar use bhi zabardasti metro me chadha dete hain... Aisa mere saath ho chuka hain na isliye bata rhi hu and i know ye apke saath bhi hua hoga. Aree hota hai yaar sabke saath hota.

Metro me chadhne ke baad apko kayi saare logo ke life ke baare me pata chalta hai, aur ye hum nai puchte balki vo khud jaane-anjaane me sabko bata dete hai.

Koi wife apne husband se phone me paiso ke liye fight kar rhi hoti hai, koi girlfriend apne boyfriend ko khe rahi hoti hai ki "ab tu mera phone nai uthayega, teri itni himmat'', kuch puri metro me apne teachers ki burayi karte huye ja rhi hoti hai, to koi full ready-sheady hokar ''party ka menu kya hoga yaar"  ye soch rahi hoti hai. Aur bhi kayi problems ye discuss karte huye jaati hai. Aur ye dheere nai bolti, balki dusro logo ke kaano me chikh-chikh kar sunati hai, by god acche se paka daalti hai. Inki baate sunkar kabhi-kabhi to aisa lagta hai ki, aaj hi ye apne life ke saare decisions le lengi.

Ek sabse badi problem ye hoti hai ki, agar kisi ko seat ki zarurat hoti hai to vo dusre se puchta nai hai, balki use order deta hai ki ye seat mujhe ya inhe dedo. Aree yaar logo me dimag hai ki agar kisi zarurat-mand ko seat chahiye to hum unhe offer kar denge. but agar koi aise order dekar seat lega to koi nai dega, sirf uske behaviour ki vajha se.

Isliye mera maan na ye hai ki log apki respect karte hai, tabhi vo apki help karte hai but agar tum unke saath bura behave karte ho to unse apne liye respect ki umeed mat rakho. Baaki ap to samajhdaar ho hi.

Ok then 

TAKE CARE

DIWALI: say NO to crackers

Hello Everyone

So i hope that you all are fine and i know thoda jyada time ho gya but kya kare ,busy jo thi. Vese bhi aaj-kal festival season chal rha hai to mai kya, har koi abhi busy hai but finally aaj time mil gya. Ok then leave it.

Jaisa ki aap sabhi jante hai ,DIWALI aane vali hai. Har koi, shopping, decorations, gifts etc. ke saath diwali ki preparations kar rhe hai.Us din ek khushi chayi reheti hai. Har koi diwali alag-alag tarike se celebrate karta hai. Kuch eco-friendly diwali celebrate karte hai to kuch ko lagta hai ki without crackers diwali thodi celebrate karenge. Mera manna ye hai ki agar aap diwali crackers ke saath celebrate karte ho to, atleast pollution ko dhyan me rakhte huye ek limit tak aur kuch chizo ko dhyaan me rakhte huye crackers jalaye.

 Sabse important, crackers se hume aur senior citizens ko pareshani hoti hai, par koi ye nai sochta ki, it's also can be very traumatic for animals. Agar vo bol nai sakte to iska matlab ye nahi ki aap unke saath kuch bhi karo. Kuch bacche unki tail par cracker laga dete hai,  infact they think its fun to throw crackers at them and parents bhi unhe ye sab karne se mana nai karte. 

Baccho ko pta nai hota ki vo kya sahi kar rhe hai aur kya galat. but parents ya koi bade unhe in sab chizo ka matlab samjha sakte hai. Aap log shayad jante nai ki, animals humare life ke liye bohot important hai. Jyada-tar chize hume inhi ke kaaran mil pati hai hai. Par phir bhi hume inki importance nai pata chalti.

 Mai bas itna chahti hu ki aap inki importance ko samajhiye, aur is diwali inko ya kisi ko bhi pareshaan na karke unhe khushi dijiye, yhi unke liye diwali ka sabse special gift rahega. Bas hamesha yaad rakhna ki, "YEH HAI TO HUM HAI, INKE BINA HUM KUCH BHI NAHI"

    

Durga puja: The biggest and special festival of the bengalis

Hello everyone.

And Happy Navratri to all of you. DURGA PUJA har kisi ke liye ek ahem festival hai par jaisa ki aap sabhi jante hai ki har koi ye festival alag-alag tarike se celebrate karta hai. Aaj mai apko bataungi ki bengali culture me DURGA PUJA kaise celebrate kia jata hai kyuki hum sab ko ye to pata hai ki ye festival unke liye bohot special hota hai, par ye festival kaise celebrate karte hai?, ye bas kuch hi logo ko pata hai. 

Durga puja hum navratro ke pehele din se hi celebrate karte hai par Bengali culture me DURGA PUJA navratro ke shashthi( 6 ) din se celebrate kari jaati hai kyuki us din durga maa apne sasural se mayeke aati hai. Durga maa ko pehele hi mayeke aane ke liye nimantran(invitation) diya jata hai. Ye nimantran(invitation) durga puja ke 7 din pehele MAHALAYA ke din dia jata hai. Isliye Shashthi(6) din se pehele durga ma ki murti ko cover karke rakhte hai aur shashthi(6) din durga maa ki murti ko pandal me sajate hai aur unka swagat karte hai. Us din se roz shaam ko bohot dhum-dhaam se durga maa ki aarti ki jati hai.  

Bengali culture me Navratro ke shashthi(6) din ke baad Ashtami(8) din ko sabse ahem mana jata hai. Us din log subha pandal me durga ma ko pushpanjali dete hai .Ashtami(8) din ki raat ko 11 baje ke baad maha navami(9) din shuru ho jata hai.Shaam ko aarti ke baad log vha ashtami(8) din ko bengali dance(DHUNUCHI NRITYA) karke aur dhak( drum ) bajakar celebrate karte hai. Us din dhak(drum) bajane ka bhi ahem role hota hai. Khete hai ki dhak(drum) bajane se vha suddhikaran kia jata hai.Mera manna ye hai hai ki bina dhak(drum) bajaye durga puja celebration me kami ho jati hai. Dhak(drum) bajane se hi durga maa ki puja me rounak aati hai.

Navrato ka akhiri din "VIJAYADASHAMI"(10) ke din SINDUR KHELA celebrate karke durga maa ko alvida khete hai. Us din pehele durga maa ko sindur lagaya jata hai and then bengali married women sindur khela khelkar ek dusre ko happy married life wish karte hai. And that's  very beautifulllll and special moment for them.You know what, festival ke bahane hume har ek moment apne family aur friends ke saath special banane ka mouka milta hai.Isliye har festival ko khushi-khushi celebrate karna chahiye.

So ok then, take care 

b bye

E-Rikshaw Pullers

Hello everyone!!!

You know what mai aur meri friend kuch din pehele E-rikshaw pullers ka interview lene gaye the, jinhe kuch log battery vale rikshe ke naam se bhi jaante hai. I know aap logo soch rhe hoge ki E-rikshaw pullers ka hi kyu, kisi famous person ka q nai?? Aap ko me ye bata du ki E-rikshaw pullers bhi ek famous personality hai. Inhi ki vajha se humara travel karna thoda aasaan hua. Aur ye log humse jyada pareshanio ka samna karte hai. Aur saari pareshanio ke baad bhi ye apne roti ke liye mehenat karte hai. Isi silsile me Hum mile the kailash colony ke ek E-rikshaw driver MR. RAJESH KUMAR MISHRA se , jo ki kailash colony E-rikshaw pullers ke leader bhi hai.

 Inhone hume bataya ki ye 2 saal se delhi me E-rikshaw chala rhe hai. Ye log subha 6 baje se lagbhag raat ke 10 baje tak kaam karte hai. Aur inki har roj ki kamai Rs 500 se 600 hoti hai. Inhone hume bataya ki E-rikshaw chalate waqt inhe traffic jams me traffic police vale ya jo car chalate hai, vo inhe side me khade hone ko kehete hai. Agar inhone kisi ghar ke aage rikshaw park kar dia to vo log inke saath badsalooki krke unka rikshaw hatva dete hai. In logo ko rikshaw park karne ke liye koi jagha nai deta..To ye kare to kare kya? Inhone rikshaw chalana bhi isliye choose kia kyuki inke liye koi aur job nai thi, aur na hi koi inko kaam dene vala hai, thats why they choose this work just for his living and survival in india. Inhone hume ye bhi bataya ki  kuch months pehele ek incident ki vajha se E-rikshaw banned huye the, us ek aadmi ki vajha se Government ne sabko punished kia. Government ke is step se jyada-tar drivers ko apna kaam chorna pada, specially , un logo ko jinhone Rikshaw ko rental basis par liya tha.. Aur jab humne pucha ki aap Government se konsi services ya facilities chahte hai?, to unhone kaha ki unke hisaab se har E-rikshaw par number plates lagva dene chahiye taaki unhe rehene aur kaam karte waqt koi problem na ho.

Mai bas aapse inta chahti hu ki aap inki aur inke kaam ki respect kare.. koi bhi kaam chota ya bada nai hota. aap logo ki tarha ye bhi mehenat karte hai, bas fark itna hai ki inhe inki mehenat ke hisaab se uska aadha bhi bohot pareshanio ka samna karne ke baad milta hai. agar aap kisi ki respect krenge to aapko bhi respect milegi.   

ok then take care,  b bye

The beauty of "Chandni Chowk"

 Hello everyone

I hope you all are fine and rehena bhi chahiye. 

Aaj me peheli baar "Chandni Chowk" gayi thi. G haan peheli baar. Koi nai, ye zaruri nahi hi ki agar aap delhi ya kahi bhi rehete ho to aap vo jagha acche se gume huye ho? Aisa hi kuch mere saath hai.

 "Chandni Chowk" 

  Jaisa ki aap sabhi ko pata hai ki ye jagha FOOD, CLOTHES, JEWELRY, STATIONARY, OPTICIANS, etc. ke liye famous hai. I mean ye ek complete market hai. Yha aisi koi chiz nai jo apko na mile. Yha par har koi jaldi me rheta hai. Yha aisa hungama macha reheta hai jaise koi lottery nikal rhi ho. Thodi si nok-jhok, chori, ye bhi yha ka ek chotaaaa sa hissa hai jo ki har market ka hota hai. Aap ye bhi samajh sakte hai ki vha ke dusre logo ke liye ek entertainment ho jata hai. Aur aisa nahi ki yha bas middle class log aate hai. Har class ke log Yha aate hai aur yha ki bhid ka ek hissa ban jaate hai. 

Asal me dekha jaye to chandi chowk ki bhi apni ek beauty hai. Vha ki choti-choti galiya, vha ke khaane-peene ki khushboo, logo ki chehel-pehel, vha ki bheed, dekha jaye to in sab ke bina chandni chowk adhura hai. chandni chowk ka naam hi sunkar hamare dimag me ye sab chize aa jati hai. Bas mujhe itna pata hai ki vha par koi bhi is beauty ko feel nai karta.

Mera manna ye hai ki aap khi bhi jaao , chahe kitni bhi bheed ho, vha kuch bhi ho rha ho, aap us chiz ko ENJOY kro. Jab tak aap us chiz ko enjoy ya experience nai karoge tab tak aap us jaghe ke baare me acche se jaan nai paoge. Aise hi chandni chowk ki har ek chiz ko aap agar enjoy karne lage to apko bhi vo ek BEAUTIFUL place lagne lagega. Ho sake to thoda sa aap is baare me jarur sochiyega.

So take care guys,

B bye 

My Experience

Just Think About It

Hello everyone....

Yeah i'm back. Aaj me apse ek baat puchna chahti hu. Aap logo ne jab mera blog padha tab apko kya laga mtlb me kaisi ladki hu?, meri soch kaisi hai?, me kaise rehena pasand krti hu? bla blaa blaaa. Me apse isliye ye sab puch rhi hu kyuki judge karna hamari aadat ban chuki hai. Kisi se baat krke, milke hum usko judge kr lete h. Kabhi to aisa bhi ho jata hai ki aap kisi se baat kiye bina hi dusre ko judge kar lete ho. Kabhi-kabhi vo judgement sahi nikalti hai aur kabhi galat. Me apko apna hi ek example deti hu. Me 1 Month pehele ek ladki se mili. tab vo meri classmate thi. us time me usse itna baat nai krti thi kyuki mujhe vo dekhne me thodi miss ATTITUDE lgi thi. usne bhi mere baare me kuch aisa hi socha tha. Par humne jab dheere dheere baat krna start kia tab hum ek dusre ka nature samjh paaye and now we are BEST friends. Isliye dekh kar kabhi kisi ko judge nai krna chahiye. Kya pata kab kya h ho jaye. 

Aur haan dusre ko jaane ke liye GHURNA jaruri nai. Kuch mahaan itna na ghurne lag jaate hai ki dusra banda dar ke bhaag jaye ya phir vo aapko hi pagal samjh baithe. Kuch ladkia hoti hai aisi jinko ko  dar lagta hai jab koi unhe ghurta hai. Isliye nai ki vo aapko galat insaan samjh leti hai balki vo sochti hai ki" Kahi mera makeup to kharab nai hua?, ya chehere par kuch laga to nai?" ... Ye soch kar vo dar jaati hai...hehehehe . To un par thoda rehem kro .. Apko to pata hi hai ki kuch ladkio ka dil kitna kamjor hota hai.Khaskar make-up ke mamle me. Itna kamjor hota hai ki unke makeup kharab hone ke dar se unhe heart-attack bhi aa sakta h. TO zara samjho baat ko. Aree aap ise apne liye SAMAAJ SEVA hi samjh lo yr.....

Ok then take care
b bye.

You are capable of AMAZING things

Aaj me apna pehela blog likhne ja rhi hu. Mujhe nai pta ki me aage kya likhungi, bas itna pta hai ki jo bhi likhungi dil se likhungi. Na koi kitaabi baate hongi aur na koi gyaan ki baate kyuki aisi baate atleast mujhse toh nai hoti.

Mera bas ye manna hai ki hamesha logo ko apne man ki baate likhni chahiye. Jaise aap kya sochte apne baare me, aapki khawahishe kya hai, zindagi se kya chahte hai aur apni zindagi kis tarha se jeena chahte hai.

kabhi bhi apni life se shikayat nai rakhni chahiye kyuki hume bas life di gyi hai, ab use hume majedaar banana hai ya gum me dubana h, yeh sab hum par depend krta hai. So plzzz apne aasuo se bhari baalti ko lekar hamesha Mandir, Church, aur masjid mat jaya kro yaar kyuki aapki mushkile ab upar wala nai kam kar sakta balki aapko khud uska solution nikaalna padega. Isliye Mandir, Masjid ya Church me baith kar dukhi hone se accha thodi koshish ya mehenat kar loge na to jyada better rahega.
Life me bohot se challenges aate hai bas inka saamna khush rhekar karna sikho. In sab chizo ka bhi ek alag hi mazaa hai. Aur khush rhene ke liye Devdaas, aashiqui type movie dekhna band krdo aur Jab we met, 3 idiots ya Yeh jawani hai deewani jaisi movie dekho. Aisi movies dekh kar kya fayda jo hume Laila-Majnu banne par majboor karde, duniya me vese hi itne laila-majnu hai. Atleast 3 idiots, Yeh jawani hai deewani jaisi movies asliyat me khush rhena, sapno ko pura karna sikhati hai, life ko khul ke aur maze se jeena sikhaati hai. Vese yeh sab me aap logo ke bhale ke liye hi bol rhi hu yaar. 
Halaki ye meri soch hai, baaki aap logo ki marzi. Bas mjhe itna pta hai ki aap logo jo bhi kroge apne bhale ke liye kroge.
Sooo i think aaj ke liye itna kaafi tha. Yes mene kaha tha ki gyaan ki baate nai hogi par kya kru abhi mere dil me jo aaya mene khe dia... I hope aap ye padh kar pake na ho. So ab milte hai tuesday ko. okkk
good night